«АБАЙ ӘЛЕМІ – ОТБАСЫ ҚҰНДЫЛЫҒЫНЫҢ ТЕМІРҚАЗЫҒЫ»

       Ұлы ақын, ойшыл, ағартушы Абай Құнанбайұлының туғанына 180 жыл толуына орай, білім беру ұйымдарында "Абай күнін" ресми және мазмұндық тұрғыдан 15 май - Халықаралық отбасы күні мерекесімен кіріктіре ұйымдастыру мақсатында  №68 жалпы  орта білім беретін мектебінде «Абай әлемі – отбасы құндылығының темірқазығы» іс-шарасы өтті. 
Екі мерекені біріктіріп, бір тұтастықта өткізу – қоғамда рухани жаңғыру, ұрпақтар сабақтастығы мен ұлттық тәрбиені нығайтудың маңызды тетігі, отбасы институтын ұлы ойшыл мұрасымен байытып, ұлттық тәрбие моделін дамытудың жаңа қадамы. 
Іс-шарамыздың мақсаты - Абай мұрасын отбасы тәрбиесіне кіріктіру арқылы жас ұрпақтың рухани-адамгершілік құндылықтарын қалыптастыру, ұлттық болмыс пен отбасылық құндылықтарды ұштастыру, Абай Құнанбайұлының әдеби, философиялық және ағартушылық мұрасын кеңінен насихаттау.