"Біз жүйрікпіз, шапшаңбыз!" тақырыбында эстафеталық жарыс өткізілді

   Общеобразовательная школа №68нің жанынан ашылған "БАЛДӘУРЕН" жазғы сауықтыру лагері өз жұмысын жалғастыруда. 27-май күні балаларды топ жетекшілері қарсы алып, таңертеңгі жаттығуды дене шынықтыру пәні мұғалімі С.Саймасаева таза ауада  өткізді. Топқа келген соң балалармен танымдық сабақ пен, шығармашылық жұмыстар жүргізілді. Бүгінгі Денсаулық күніне орай топ арасында  "Біз жүйрікпіз, шапшаңбыз!" тақырыбында эстафеталық жарыс өткізілді. Сайыстың мақсаты: балалардың денсаулығын нығайту, қимыл-қозғалыс белсенділігін арттыру, командамен жұмыс істеуге және ұйымшылдыққа баулу. Шапшаңдық пен ептіліктерін жетілдіру.
Эстафеталық жарыс -жазғы лагерь жоспарындағы балалардың физикалық белсенділігін арттыратын спорттық іс-шара. Сонымен қатар, балалардың командалық рухын дамытуға бағытталған.  Әр команда берілген кезеңдерден өту арқылы мәреге жетуі тиіс. 
Әр топтан құралған команда төмендегі жарыстардан өтті.
1.Кедергілерден допты алып жүру.
2.Секіртпемен секіру.
3.Теннис добын түсірмей кедергілерден өту.
4.Арқан тартыс.
Балалар берілген тапсырмаларды орындау арқылы алға жылжиды. 
Төрешілер уақыт көрсеткішін, тапсырмаларды ережеге сай орындауды, командалық үйлесімді, бір-бірін қолдау мен тәртіптерін бақылай отырып нақты жеңімпаздарды анықтады. Әр команда белсене қатысып, өз топтарының намысын қорғады. Жарыс соңында 1-орынды "Балдырған" командасы, 2-орынды "Қыран" командасы, 3-орынды "Күншуақ" командасы иеленді. Жарыс соңында жеңімпаз командаларға алғыс айтылып, марапатталды. 
Күн тәртібіне сай оқушылар үйірме жұмыстарына қатысты. Робототехника үйірме жетекшісі Е.Өмірзақ, қолөнер үйірме жетекшісі А.Иманалиевалар балалармен жұмыс жасап, топ жетекшілері   шығармашылық жұмыстар жүргізді. Балаларға қызықты мультфильм көрсетілді.  Бұл күні балалар жарқын күлкілерімен, белсенділіктерімен, достық қарым-қатынастарымен  лагерьдің сәнін келтіріп, көңілді тарасты.