«Білім жолын бастаған – бастауышым бастамам»

   Шымкент қаласы білім басқармасына қарасты №68 жалпы орта білім беретін мектепте  «Білім жолын бастаған – бастауышым бастамам» тақырыбындағы бастауыш сыныптар онкүндігі аясында 2026 жылғы 23 январь күні    2-сынып оқушылары арасында «Көркем сөз – жүрек үні» атты ақын-жазушылардың өлеңдерін мәнерлеп оқу сайысы өткізілді.

Сайыстың мақсаты – оқушылардың көркем әдебиетке деген қызығушылығын арттыру, сөз өнерін қадірлеуге баулу, мәнерлеп оқу дағдыларын дамыту, өз ойын көркем жеткізе білуге үйрету.
Сайыс барысында жас оқырмандар өлеңдерді нақышына келтіре, сезіммен оқып, өздерінің шығармашылық қабілеттерін көрсете білді.
Қатысушылардың әрқайсысы сахна мәдениеті мен көркем сөзді меңгеру деңгейі бойынша бағаланды. Іс-шара оқушыларға ерекше әсер қалдырып, көрермендерге көтеріңкі көңіл күй сыйлады.
Өнерлі өрендерімізге алдағы уақытта да шығармашылық табыс тілейміз!