«Сіз буллингті танисыз ба?» тақырыбында мұғалімдерге арналған тренинг

    Мектебімізде директор тәрбие ісі жөніндегі орынбасары Ж.Альжановтың ұйымдастыруымен мұғалімдердің  буллингті дер кезінде анықтау және алдын алу дағдыларын қалыптастыру мақсатында «Сіз буллингті танисыз ба?» тақырыбында тренинг өткізді. Тренинг барысында қатысушылар буллинг ұғымы, оның түрлері (физикалық, психологиялық, кибербуллинг), пайда болу себептері мен белгілері туралы ақпарат алды.

Практикалық бөлімде мұғалімдерге түрлі жағдаяттар ұсынылып, оларды талдау арқылы буллингті тану және дұрыс әрекет ету жолдары қарастырылды. Сондай-ақ, оқушылармен сенімді қарым-қатынас орнату, алдын алу шараларын ұйымдастыру, ата-анамен бірлескен жұмыс жүргізу мәселелері талқыланды.

Тренинг соңында қатысушылар кері байланыс беріп, буллингтің алдын алуда мұғалімнің рөлі жоғары екендігін атап өтті.