«Мектепке жол» республикалық акциясы биыл «Қайырымдылық жылы жүректен» атты айдармен өткізілді.

   Шымкент қаласы білім басқармасына қарасты №68 жалпы білім беретін  мектебінде аз қамтылған және көп балалы отбасылар қатарындағы оқушыларға, ата-анасының қамқорынсыз қалған балаларға қолдау көрсету мақсатында дәстүрге айналған «Мектепке жол» республикалық акциясы биыл «Қайырымдылық жылы жүректен» атты айдармен өткізілді. 
 Акцияның мақсаты: жаңа оқу жылына баланың әлеуметтік себептермен мектепке келмей қалуының алдын алу; ата – анасының қамқорлығынсыз қалған балаларға, көп балалы, тұрмыс жағдайы төмен отбасыларына нақты көмек көрсету болып табылады.
Акция мақсатын іске асыру барысында мектеп оқушыларының ішінде  көмекке  мұқтаж  оқушыларға қажетінше  көмек көрсетілді. Ардагер  Кадырбеков Жұмағали, Жолдасбеков Мақсат "AMANAT" партиясы Еңбекші аудандық филиалдық атқарушы хатшысы, Нағиматулла Аделя "AMANAT" партиясы Еңбекші аудандық филиалдық консультанты, Құрманбек Жарқынбек "Қамқоршылық" кеңесінің төрағасы, Сәбитова Әлия "Bereke" бастауыш партиясының төрайымы және  мектеп әкімшілінің  ұйымдастыруымен  оқушыларға мектеп формасы, спорттық киімдер мен  оқу құралдарын табыстады.