"КӨҢІЛДІ ЖАЗ” «Балдәурен» жазғы сауықтыру алаңының демалушылары демалыс уақытын тиімді әрі көңілді өткізу мақсатында, Шымкент қаласы қуыршақ театрында М.Абай-Ділдәнің «Туған күн» ертегісін тамашалады. Қойылым барысында балалармен қызықты ойындар ойналып, викториналық сұрақтар қойылды. Сахна өнерпаздары демалушылармен көңілді кеш өткізді. Демалыс күндерін театрмен өткізген балапандарымыздың өмірі жарқын болсын!

"АЛТЫН БАЛАЛЫҚ ШАҚ" ДЕКАДАСЫ "Біртұтас тәрбие" бағдарламасы «Алтын балалық шақ" декадасы аясында "Балаларды махаббатпен қорғайық!" ұранымен мектеп жанындағы сауықтыру алаңында демалушылары Асанбай Асқаров атындағы Дендросаябаққа барып түрлі спорттық ойындар ойнап, табиғаты тамаша саябақтың көрікті жерлерін аралады.  Мақсаты, жер, өсімдік, ауа-адам баласының ұрпағынан ұрпағына  мұра болып келе жатқан мол қазына екенін түсіндіріп, оны сақтау, қамқор болу- біздің басты міндетіміз екенін ұғындыру.

«ТАБИҒАТ АЯСЫНДА ДОСЫММЕН БІРГЕ КІТАП ОҚИМЫН» «Балдәурен» жазғы сауықтыру алаңының демалушылары 11-маусым күні қаламыздағы Асанбай Асқаров атындағы Дендросаябаққа саяхат жасап барып келді. Саябақта «Оқуға құштар мектеп» жобасы аясында «Досыммен бірге кітап оқимын» челленджіне демалушы оқырмандарымыз қатысып, өзара пікір алмасып,   таза ауада демалыс уақытын тиімді әрі керемет өткізді.

“ДОСЫҢА ҚУАНЫШ СЫЙЛА” "Балдәурен" жазғы сауықтыру алаңының балалары "Досыңа қуаныш сыйла" және "Менің сүйікті ойыншығым" тақырыбында қағаздан ойыншықтар жасап, бір-біріне сыйлады. Іс-шараның негізгі мақсаты: балаларға достық ұғымының мағынасын түсіндіру, өзара қамқорлық пен сыйластыққа үйрету, бір-біріне құрмет әдебін қалыптастыру.

Төтенше  жағдайлар департаменті Азаматтық қорғаныс басқармасының тапсырмасына сәйкес, жазғы  сауықтыру  алаңының  демалушыларына “ЖЕР СІЛКІНІСІ КЕЗІНДЕГІ ДҰРЫС ДАҒДЫЛАРДЫ  ЖЕТІЛДІРУ” мақсатында үш тілде ақпараттық- анықтамалық бейнероликтер көрсетілді. Бейнероликтер арқылы  жойқын  жер  сілкінісі салдарынан  болуы  мүмкін  жағдайларда  жеке  адамдардың  іс-әрекеті қандай  болуы керек  екендігі және алғашқы санитарлық көмек түрлері түсіндірілді.

«Алтын балалық шақ» декадасы Жазғы сауықтыру алаңының демалушылары «Бірлік–тірлік тірегі!» тақырыбында демалыс уақытын тиімді пайдалана отырып, қызықты өткізуде. Табиғат аясында түрлі қимыл-қозғалысты ойындар ойнай отырып, бір–бірімен достық және ынтымақтастық қарым-қатынастарын арттырды. Мақсаты: демалыс уақытын тиімді пайдалану, достыққа, ынтымақтастыққа, мейірімділікке тәрбиелеу.

«АЛТЫН БАЛАЛЫҚ ШАҚ» ДЕКАДАСЫ «Балдәурен» жазғы сауықтыру алаңының демалушылары  арасында «Балаларды махабатпен қорғайық!» ұранымен «GARMONIA»бөлімі бойынша «Біз болмасақ кім?!» акциясы ұйымдастырылды.   Мақсаты: табиғатты аялау, өсімдіктерге деген қамқорлық, үлкендер еңбегін құрметтеу.

«АЛТЫН БАЛАЛЫҚ ШАҚ» ДЕКАДАСЫ Мектеп жанындағы «Балдәурен» жазғы сауықтыру алаңының демалушыларына медбике Жәудір Юсупбаева «Қауіпсіздік пен мейірімділік әлемінде» тақырыбында өмір қауіпсіздігі, судағы қауіпсіздік және төтенше жағдай кезіндегі қауіпсіздік туралы түсіндірме жұмыстарын жүргізді.

РӘМІЗДЕР КҮНІ  Мектеп жанындағы «Балдәурен» жазғы сауықтыру алаңының демалушылары арасында «Рәміздерім–елдігімнің реңі, Теңдігімнің-тірегі» тақырыбында тәрбие сағаты болып өтті. Мақсаты, оқушылардың Елтаңба, Ту, Әнұран туралы түсініктерін нығайту. Рәміздердің пайда болуы және тарихтағы маңызы жайлы түсініктерді дамыту. Отансүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.

«ДЕНСАУЛЫҚ ЛИГАСЫ» АТТЫ ЭСТАФЕТАЛЫҚ ЖАРЫС ӨТКІЗІЛДІ  “Біртұтас тәрбие” бағдарламасы «Алтын балалық шақ» декадасы аясында «Балаларды махаббатпен қорғайық!» ұранымен мектеп жанындағы «БАЛДӘУРЕН»  жазғы сауықтыру алаңының демалушылары арасында «Денсаулық лигасы» атты таза ауада эстафеталық жарыстар ұйымдастырылды. Жарыста түрлі спорттық және ұлттық ойындар ойнатылды. Мақсаты: белсенді өмір салтын сақтау, таза ауада спорттық ойындар ойнау арқылы интернетсіз күн өткізу.