«Ережесін білсем, интернет — менің сенімді досым»

   Шымкент қалалық білім басқармасына қарасты №68 жалпы орта білім беретін мектебінің 2 «Ә» сынып жетекшісі К.А. Достаева  оқушыларымен Ата-аналарды педагогикалық қолдау орталығы аясында «Бала қауіпсіздігі» бағыты бойынша «Ережесін білсем, интернет — менің сенімді досым» тақырыбында тренинг сабақ өткізді.
Тренингтің мақсаты – оқушылардың қауіпсіз мінез-құлық дағдыларын қалыптастыру, интернетті дұрыс әрі жауапкершілікпен пайдалану мәдениетін дамыту, сондай-ақ түрлі қауіп-қатерлердің алдын алу.
Сабақ барысында оқушылармен уайым мен қорқыныш сезімдерін азайту жолдары талқыланып, зорлық-зомбылықтың негізгі түрлері туралы түсінік берілді. Атап айтқанда, физикалық, психологиялық, экономикалық және ақпараттық зорлық-зомбылық түрлері түсіндірілді. Сонымен қатар жалған ақпараттың зияны мен кибербуллингтің алдын алу жолдары айтылды.
  Оқушылар белсенді қатысып, өз ойларымен бөлісті. Тренинг нәтижесінде балалар интернетті қауіпсіз пайдалану ережелерін сақтаудың маңыздылығын түсініп, «Ережесін білсем, интернет — менің сенімді досым» деген тұжырымға келді.