«ЗАКЛАДЧИКИ. МАТЬ…» ФИЛЬМІ КӨРСЕТІЛДІ

    №68 жалпы орта білім беретін мектеп 8–10 сынып оқушыларына арналған «Закладчики. Мать…» атты деректі фильмнің көрсетілімі ұйымдастырылды.

Фильмде есірткі саудасының, соның ішінде «закладчик» атанған жастардың өмірі мен олардың тағдыры туралы шынайы оқиғалар баяндалады. Туындыда заңсыз әрекеттердің жасөспірім өміріне тигізетін кері әсері, олардың болашағына балта шабатын ауыр салдары және отбасы үшін әкелетін қайғы-қасіреті жан-жақты көрсетілген.

Көрсетілімнің басты мақсаты – оқушыларға есірткінің зияны мен оның құқықтық және әлеуметтік салдары туралы түсінік беру, қылмысқа тартылудың алдын алу және саналы өмір салтын қалыптастыру.

Фильмнен кейін оқушылар өз ойларымен бөлісіп, пікір алмасты. Олар мұндай құқықбұзушылықтың ауыр зардаптарын терең түсініп, салауатты өмір салтын таңдаудың маңыздылығын атап өтті.