"Адалдық - адамдықтың белгісі" тақырыбында өткен сабақтарда оқушылар ақиқат пен адалдық адамзатты өмір жолына бастайтындығы туралы айтылып,арнайы бейнероликтер көрсетіліп, түсіндірме жұмыстары жүргізілді

Шымкент қалалық білім басқармасына қарасты № 68 жалпы орта білім беретін мектебінде Қазақстан Республикасының сыбайлас жемқорлыққа қарсы іс-қимыл агенттігі мен Қазақстан Республикасы Білім және ғылым министрлігінің ұйымдастыруымен бірыңғай "Адалдық сағаттары" акциясы өткізілді. Аталған акцияға "Қамқорлық" кеңесінің төрағасы Р.Тобылов, ата-аналар комитетінің төрайымы Қ.Аманбаева, "Асыл әжелер " клубының төрайымы Гүлнар Туребекова, ардагер-ұстаздар қатыстырылды.   "Асыл міндет- адалдық, Асыл қасиет - адамдық", "Адалдық - адамдықтың белгісі" тақырыбында өткен сабақтарда оқушылар ақиқат пен адалдық адамзатты өмір жолына бастайтындығы туралы айтылып, арнайы бейнероликтер көрсетіліп, түсіндірме жұмыстары жүргізілді. Келген қонақтар Қазақстанның болашағы жастардың қолында екендігін айтып, жасөспірімдерді адал болуға шақырды.