Құрметті ата-аналар, ұстаздар және бітіруші түлектер!

    Оқу жылының аяқталуына байланысты қауіпсіздік пен қоғамдық тәртіпті сақтау – баршамызға ортақ міндет.

Қазақстан Республикасы Оқу-ағарту министрінің 2025 жылғы №106-НҚ бұйрығына және Шымкент қаласы әкімдігінің 2025 жылғы 13 мамырдағы №2064 қаулысына сәйкес, мектепке дейінгі, орта, техникалық және кәсіптік білім беру ұйымдарында:

— мейрамхана, кафе, банкет залдарында бітіру кештерін өткізуге;
— автокортеж ұйымдастыруға;
— таңды қарсы алу, табиғат аясында, алау жағу іс-шараларын өткізуге;
— ата-аналардан заңсыз ақша жинауға, сыйлықтар мен жарна талап етуге;
— аниматорларды, мерекелік агенттіктер мен жеке студияларды тартуға;
— мерекелік дастархан ұйымдастыруға;
— мектеп әкімшілігі мен педагогтерге сыйлық алу үшін қаражат жинауға ҚАТАҢ ТЫЙЫМ САЛЫНАДЫ.

Аттестат тапсыру рәсімдері тек білім беру ұйымдарының қабырғасында өткізіледі.

Барша ата-аналардан балалардың қауіпсіздігіне жауапкершілікпен қарауды сұраймыз. Жол қозғалысы ережелерін сақтау, түнгі уақытта бақылаусыз жүрмеу, көлік кортеждеріне қатыспау – әр оқушының қауіпсіздігі үшін маңызды.

Заң мен тәртіп – қауіпсіз қоғамның кепілі!