“Өрлеу” БАҰО АҚ Шымкент қаласы бойынша педагогикалық қызметкерлердің біліктілігін арттыру институтының білікті маманы, тренер Баткаева Гүлнара Аскаровна өз тобымен көшпелі тәжірибелік сабағы аясында №68 жалпы орта білім беретін мектебіне келіп, физика-математика бірлестігі мұғалімдерінің “Education Copilot (Nearpod) бағдарламасы көмегімен сабақ жоспарын құру” тақырыбында өткен бір күндік сабақтарына қатысып, робототехника үйірмесінің жұмыстарын тамашалап, тәжірибелерімен алмасты.

“ОТБАСЫММЕН БІРГЕ ӨТКІЗГЕН ҚУАНЫШТЫ КҮНДЕРІМ!” АТТЫ ІС-ШАРА ӨТКІЗІЛДІ “Жеткіншектің жеті жарғысы” жобасы аясында оқушылардың отбасы туралы түсініктерін кеңейту мақсатында, 8-сынып жетекшісі М.Исашова мен мектеп психологы Г.Жұмахметова “Отбасыммен бірге өткізген қуанышты күндерім!” атты ата-аналармен бірлескен іс-шара өткізді. Іс-шара барысында ата-аналар өз ойларын ортаға салды.

«ZHASYL EL», «EKO-BOLASHAK», «GREEN OASES», «Туған жердің бояулары» атты республикалық экологиялық акцияның жоспарына сәйкес биология пәні мұғалімдері Тюльтебаева Альмина және Ырзабай Жансая оқушыларымен мектеп ауласын көгалдандыру жұмыстарын жүргізді. Мақсаты, оқушыларды еңбекке баулу, экологиялық тәрбиені насихаттау. Табиғатқа қамқорлықпен қарап, өзінің жеріне, еліне деген сүйіспеншілігін қалыптастыру.