«Жас Ұлан» – ел ертеңіне жасалған сенімді қадам

   Шымкент қаласы №68 жалпы орта білім беретін мектебінде 5-сынып оқушылары «Жас Ұлан» бірыңғай балалар мен жасөспірімдер ұйымына салтанатты түрде қабылданды.
Іс-шара барысында оқушылар ұйымның ережесімен танысып, елге, туған жерге адал болуға, Отанын сүюге ант берді. Галстук тағу рәсімі оқушылардың өміріндегі маңызды сәттердің біріне айналды. Бұл – жас жеткіншектердің елжандылық, ұйымшылдық және азаматтық жауапкершілікке алғашқы қадамы.
Салтанатты жиын оқушылардың патриоттық рухын көтеріп, бойларына сенім мен мақтаныш ұялатты.