"МЕНІҢ АҒАШЫМ"

"МЕНІҢ АҒАШЫМ"  
Шымкент қаласы білім басқармасына қарасты N68 жалпы орта білім беретін мектебінде «Таза  Қазақстан» атты республикалық  экологиялық акциясының іс-шара жоспарына сәйкес «Менің ағашым» атты ағаш отырғызу  акциясын  жүргізді. Акцияға мектеп директоры Пржанова Гүлнұр Аскербекқызының басшылығымен мектеп ұжымы, ата-аналар және жоғары сынып оқушылары мектеп ауласына ағаштар отырғызды. Бұл тек қоғамдық пайдалы жұмыс емес, оқушылардың өздерінің туған мектебін, туған қаласын көгалдандыруға және жақсартуға қосқан үлесі.
Акцияның басты мақсаты – балаларға жақсы үлгі көрсету, қоршаған ортаға, мектеп ауласына ұқыпты қарауға үйретумен қатар  оқушыларды еңбекке баулу болып табылады. Акцияға атсалысқан оқушыларға, ата-аналарға,  ұстаздарға алғыс білдіреміз.