1-маусым «Балаларды қорғау» мерекесі қарсаңында көңілді мерекелік іс-шара өтті

  Шымкент қаласы білім басқармасына қарасты №68 жалпы орта білім беретін мектебінде 1-маусым «Балаларды қорғау» мерекесі қарсаңында  көңілді мерекелік іс-шара өтті. Мерекеге  мектеп жанынан ашылған «Балдәурен» жазғы сауықтыру лагерінің балалары мен  тәрбиешілері қатысты.
   Мақсаты: балаларға Халықаралық балаларды қорғау күнінің маңызын түсіндіру, олардың шығармашылық қабілеттерін арттыру. Достықтарын нығайтып, ән, би арқылы мерекелік көңіл-күй сыйлау. Іс-шара барысында балаларға арналған ән-шашу, бимен әрленген концерт ұйымдастырылып, "Аманат" партиясының жетекшісі  Ә.Сәбитова 150 оқушыға сыйлықтар таратты. Көңілді мереке балаларға қуаныш пен шаттық сыйлады. Бұл күн- балаларға деген сүйіспеншілік пен қамқорлықтың жарқын белгісі болды. Балалардың  жүздері қуаныш пен бақытқа толы болды. Іс-шара соңында мектеп директоры Г.А.Пржанова балаларды мерекелерімен құттықтап, өзінің жылы тілегін арнады.