ТӘУЕЛСІЗ ЕЛ ТІРЕГІ — БІЛІМДІ ҰРПАҚ ҚОЛЫНДА

Шымкент қаласы Білім басқармасына қарасты №68 жалпы орта білім беретін мектебінің математика пәні мұғалімі  Г.П.Сагинбекова  ұйымдастыруымен  8-сынып оқушылары арасында Қазақстан Республикасының Тәуелсіздігіне 30 жыл толуына орай мектепішілік жастары арасында "Тәуелсіз ел тірегі- білімді ұрпақ" интеллектуалды ойынын өткізді.
Шараның мақсаты: жас ұрпақтың әр салада білімдерін кеңейту, білім деңгейін, шығармашылық ізденісін байқау.
 Интеллектуалды ойынның 4  кезең бойынша жүргізілді. Олар:
1-кезең. "Ойдың жылдамдығы"
2-кезең. " Полиглот"
3-кезең. " Қызық екен"
4-кезең. " Кім жылдам?"
Танымдық ойында мектеп оқушылары қазақ тілі, география, Қазақстан тарихы, химия, орыс тілі, математика, физика, пәндері бойынша және логикалық сұрақтардан ой таластырып, білімдерін байқатты. Сайыс қорытындысында 8"Ә" сынып оқушылары І-орын иеленсе,  
ІІ- орынды 8"Ғ" сынып оқушылары иеленді, ІІІ- орынға 8"А" сынып оқушылары ие болды. Бәйгеге қатысқан жан- жақты білімімен ерекше көзге түскен 8"А" сынып оқушысы  Дүйсенова  Нұрай "ДАРА ОҚУШЫ" номинациясына ие болды. Жеңімпаздар мектеп әкімшілігі тарапынан  мақтау қағаздарымен және  сый- сияпаттармен марапатталады.