"Оқуға құштар мектеп" жобасы бойынша 9«В» сынып оқушылары Бекжанова Ақниет және Жұманова Маржан "20 минуттық кітап оқу" шарасын өткізді. Шара барысында Ыбырай Алтынсариннің «Мұңсыз адам» кітабын оқып, оқушыларға қанағат ете білуді, сабырмен бәріне жете алуды, әр күнге риза болуды, армандарға талпынуды үйретті.

     Көркем еңбек пәні мұғалімі  З.Б.Аблаева және педагог-психолог Г.М.Шынтаева  оқушыларға мамандық таңдау бойынша  бағыт-бағдар  беріп, тест жұмыстарын  жүргізді. Мақсаты: оқушыларға мамандық таңдау, олардың негізгі түрлері, классификациялық белгілері, таңдау әдістері туралы білімдерін, түсініктерін кеңейте отырып, мамандықтарға деген ынта- ықыласын арттыру. Жеке тұлғаның кәсіптік мамандықтарды таңдаудың негізгі типтері мен  факторлары туралы түсінік беру. 

    "Оқуға құштар мектеп" жобасы аясында, «20 минуттық кітап оқу» бағдарламасы бойынша мектебіміздің 7«Ғ» сынып оқушылары Алдаберген Аяна мен Батыр Табиғат 7«Б» сынып оқушыларына  "Бақытсыз Жамал" кітабын оқып, түсініктерін айтты. "Менде оқыған кітапты сенде окы" демекші біздің мақсатымыз оқушылардың кітапқа деген құлшынысын арттыру.

     "Оқуға құштар мектеп" жобасы аясында 6«А» сынып оқушылары Абылай Айсауле мен Қордабай Ұлболсын 7«Ғ» сынып оқушыларына «Әмина Тұранның көшпенділер еліне саяхаты» атты кітабын оқып, оқушылармен бірге кейіпкердің басынан өткендерін талқылады. Мақсаты, оқушылардың кейіпкердей қайсар мінезді, батылды, жігерлі болуға тәрбиелеп, кітап оқу арқылы зейіндерін ашу.

  Мектеп психологы Г.Жұмахметова 3”Б” сынып оқушыларына “Озат оқушы” тақырыбында психологиялық тренинг өткізді. Тренингтің мақсаты: оқушылардың оқуға құштарлығын арттырып, есте сақтау қабілеттерін дамыту. Оқушылар тренингке өте белсенді қатысып, қойылған сұрақтарға  өз ойларынан қысылмай ашық айта білді.

    Өзін өзі басқару ұйымы Мектеп Парламетінің ұйымдастыруымен «Адал ұрпақ» ұланбасшысы 8«Г» сынып оқушысы Мұстафа Мерей 7-8 сынып оқушыларымен   "Жемқорлыққа жол жоқ!" тақырыбында "Адалдық сағатын" өткізді. Мақсаты: «Сыбайлас-жемқорлық» деген ұғымды түсіндіріп, өз көзқарастарын білдіріп, дүниетанымдарын кеңейту. Өз ойларын еркін жеткізе білу қабілеттерін дамыту. Мемлекетіне жауапкершілікпен қарау және әділдікке тәрбиелеу.

     Мектебімізде қазақ тілі мен әдебиеті бірлестігінің ұйымдастыруымен «Тілім менің-сарқылмас қазынамсың!» тақырыбында апталықтың ашылу салтанаты өткізілді. Іс-шара барысында мектеп директоры Г.А.Пржанова қазақ тілі бірлестігіне шығармашылық табыс пен қарышты қадам тіледі. Оқушылар  мерейтой иелерінің  өмірі мен шығармашылығына арналған танымдық ойларын ортаға салып, 5-сынып оқушылары тіл туралы өз шығармашылығынан өлеңдерін нақышына келтіріп, мәнерлеп оқыды. Іс-шара соңында «Кім көп біледі?»

   Педагог- психолог Г.М.Шынтаева  10 “А” сынып оқушыларымен тренинг сабағын жүргізді.    Мақсаты, оқушының зейінін дамыта отырып, жаңа ортаға бейімделуін, ішкі энергиясын, лидерлік қабілетін анықтауды қамтамасыз ету.

     9«Ә» сынып жетекшісі Л.Нұрпейісова оқушыларымен «Тұқымқуалаушылықтың цитологиялық негіздері» тақырыбында ашық сабақ өткізді. Сабақ барысында Г.Мендельдің заңдарына бірнеше есептер шығару тәсілдерімен оқушыларға генетика ұғымы тұқымқуалаушылық заңдылықтары түсіндірілді. Мұғалім сабақта ген, генотип, фенотип хромосома, ДНҚ ұғымдарын оқушылармен бірге талдады.«Жеті атаңды білесің бе?» тектілік ұғымы туралы түсінік беріп оқушылардың пікірін тыңдады. Сабақта түрлі заманауи әдіс тәсілдерді

    Білім басқармасының Әдістемелік орталығының және Шымкент қаласы Қорғаныс істері жөніндегі департаментінің 2022 жылғы 17 қаңтардағы №109 шығыс хатына сәйкес "Біртұтас ұлт - біртұтас әскер" жастарды әскери - патриоттық тәрбиелеу мемлекеттік бағдарламасын іске асыру мақсатында №68 жалпы орта білім беретін мектебінде "Айбынды жастар - Тәуелсіздік тірегі" тақырыбында "Тірек" мектепке қарасты мектеп мұғалімдеріне семинар және ата-аналарға ашық есік күні ұйымдастырылды. Семинарға Тәжік-Ауған соғыс