Мектеп психологы Гүлмира Жұмахметова мен логопед Раушан Ашықбаевалар логопедиялық түзету сабақтарын алатын оқушылары мен ата-аналарына “Біз-бақытты баламыз” тақырыбында тренинг өткізді. Мақсаты: оқушылардың “С”, “З”, “Ш”, “Ж”, “Л”, “Ң”, “Р” дыбыстарын дұрыс айтуға машықтандыру және танымдық процестерін дамыту. Оқушылар тренингте тапсырмаларды  көңілді әрі қызығушылықпен орындап отырды.

      Мектеп директоры Г.А.Пржанова және педагог-психолог Г.М.Шынтаева 7«Ғ» сынып оқушыларымен “Татулық, достық - биік шыңы бірліктің” тақырыбында психологиялық тренинг жүргізді.  Мақсаты: сыныптың ұйымшылдығын арттырып, топпен жұмыс жасауға бейімдеу. Оқушылардың бойына татулық, мейірімділік, бір-біріне деген жанашырлықты қалыптастырып, өзге сыныптарға жақсы тәрбиелерімен, білімдерімен үлгі бола білуді үйрету. 

    Мектебімізде кезекті «Дублер күні» өткізілді. Ай сайын үрдіске айналған «Дублер күні» жоғары деңгейде өткізілді. Оқушыларымыз ұйымдастыру жұмыстарына және сабақтарды өту әдістемесі мен білім алушылармен тіл табыса сабақ өтуге машықтанған.  Мақсаты: мектептегі өзін-өзі басқару жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру, білім алушылардың көпшілік алдында сөйлеу тәжірибесін дамыту.

    «Оқуға құштар мектеп» жобасы аясында 6«д» сынып оқушылары Ж.Абдукалик және Қ.Ақылбай 5"Д" сынып оқушыларымен Б.Соқпақбаевтың "Менің атым Қожа" повесін оқып, Қожа бейнесін, қазақ балалар әдебиетінің әлі күнге дейін қызығушылығын жоғалтпаған кейіпкерді талдап, өз ойларын ортаға салды. Сол кездегі балалардың өмірге қызығушылықтарын қазіргі заманмен салыстырып, өздері секілді достарын осы шығармамен таныстырып, оқып шығуға кеңес берді.

     Мектеп директоры Г.А.Пржанова  мен педагог - психолог Г.Жұмахметова ҰБТ тапсырушы оқушылардың ата-аналарына арналған психологиялық тренинг өткізді. Тренинг мақсаты, ата-аналар өз балаларына  ҰБТ тапсыруға дайындық барысында  қолдау көрсетіп, бір-бірімен жақсы қарым-қатынаста болуға ықпал ету.

     "Оқуға құштар мектеп" жобасы аясында қазақ тілі пәні мұғалімі Бегимбетова Салтанат мектеп мұғалімдері арасында З.Ахметованың "Шуақты күндер" тақырыбында оқуға құштар өтті.      Ұлы Отан соғысында гвардия полковнигі болған Бауыржан Момышұлының өміріне арналған естелік кітапты мұғалімдер талқылап, атамыздың соғыстан кейінгі өмірі айтылып, басқа да қырлары ашылды. Мақсаты, жалпылама отбасылық құндылықтарды, салт-дәстүрді дәріптеу.

     География  пәні мұғалімі  және педагог-психолог Г.М.Шынтаева  7 «Ә» сынып ата-аналарына «Тәрбиенің ең тамаша мектебі - отбасы» тақырыбында тренинг жұмысын  жүргізді. Мақсаты, отбасы тәрбиесінің құндылығын, бала тәрбиесіндегі ата-ананың алатын орнының ерекше екендігін түсіндіре отырып, отбасы мен мектеп арасындағы қарым-қатынасты ынтымақтастыру. Мұғалім мен отбасы арасындағы қарым-қатынас стратегиясын арттыру.

    Қазақ тілі мен әдебиеті пән мұғалімі С.С.Бегимбетова 7«В» сыныбына қазақ тілі сабағынан "Қос бәйтерек" тақырыбында ашық сабақ өтті. Оқушылар М.Шаханов пен Ш.Айтматовтың «Қос бәйтерек» романын оқып, қос жазушының достығы туралы білді. Сабақ барысында оқу мақсатына сәйкес топтық, жұптық, жеке тапсырмалар орындалды. Оқушылар стиль түрлерін ажыратып, тілдік ерекшелігінің жанрын анықтап, еліктеу сөздердің мәнмәтінде қолдануын білді.

    «Oқуға құштар мектеп» жобасы аясында шетел тілі пәні мұғалімі Г.Акилова  6«В» сынып оқушыларымен кітапханаға келген жаңа кітаптардың ішінен Зира Наурызбай мен Лиля Калаустың «Бату мен достарының барсакелмес еліне саяхаты» атты кітабын оқып, өзара талқылады. Мақсаты, ертегіні оқып қана қоймай, тарихи деректерден хабардар ету, адал достықты насихаттау. 

      Қазақ тілі мен әдебиеті бірлестігінің ұйымдастыруымен «Тілім менің-сарқылмас қазынамсың!» тақырыбында өткізілген апталық барысында поэзияның асқар шыңы- Мұқағали Мақатаевтың туылған күніне орай «Поэзия, менімен егіз бе едің?» тақырыбында әдеби кеш өткізілді. Жыр кешінде өмірге іңкәр, өмірді жырлап өткен сыршыл да сезімтал ақын туралы оқушылар сыр шерте отырып, өлеңдерін жатқа мәнерлеп айтып, әндерін орындады.  «Аққулар ұйықтағанда» поэмасынан көрсетілген сахналық қойылым оқушылардың