"Біртұтас тәрбие бағдарламасы: құндылықтар және оларды іске асыру жоспары" тақырыбында семинар болып өтті

     Шымкент қаласы білім басқармасына қарасты №68 жалпы  орта білім беретін мектебінде 31.08.2023 жылы "Біртұтас тәрбие бағдарламасы: құндылықтар және оларды іске асыру жоспары" тақырыбында сынып жетекшілерге және пән мұғалімдеріне арналған мектепішілік семинар болып өтті. Семинарда директордың тәрбие ісі жөніндегі орынбасары Альжанов Жандос Алиханұлы 2023-2024 оқу жылындағы тәрбие жұмысын ұйымдастырудағы басымдықтарға тоқталып өтті.
        Семинардың мақсаты: тәрбие жұмысында ұлттық мүдде, ар-ұят, талап сынды адам бойына қажетті құндылықтарды тәрбие беру бағытында ел тұтастығы, тәуелсіздікті  қадірлеу, ар-ұятты жоғары қою, жауапкершілік пен талапты сезіну, салауаттылық, зияткерлік сияқты құндылықтарды сабақта қолдана отырып, бала бойына сіңіру.
     Семинарда тақырыпқа сай бейнероликтер мен презентациялар көрсетіліп, мұғалімдер тарапынан пікірлер ортаға салынып, аталған құндылықтарды бала бойына сіңіруде ата-ана, мектеп, қоғам болып жұмыла атқарғанда өз нәтижесін беретіндігі айтылды.