КАНИКУЛ – КӘСІБИ ІЗДЕНІС ПЕН ТӘЖІРИБЕ АЛМАСУ АЛАҢЫ

    Оқушылардың демалыс кезеңінде Алпыс Сегізінші Мектептің педагогтері кәсіби біліктіліктерін арттыру, әдістемелік білімдерін жетілдіру және тәжірибе алмасу бағытында жұмыстар жүргізуде.

Жұмыс барысында «Мемлекеттік жалпыға міндетті білім беру стандарттарының орындалуын бақылау және әдістемелік көмек беру» мәселесіне басымдық берілді.

Педагогтерге мемлекеттік жалпыға міндетті білім беру стандартының талаптарын сақтау, оқу бағдарламаларының орындалуы, білім алушылардың оқу жетістіктерін бағалау, оқу үдерісін тиімді ұйымдастыру мәселелері бойынша түсіндіру жұмыстары жүргізіліп, әдістемелік ұсынымдар берілді.

Сонымен қатар мұғалімдер өзара тәжірибе алмасып, кәсіби шеберлікті жетілдірудің тиімді жолдарын талқылады.

Каникул – тек демалыс кезеңі емес, кәсіби дамуға, ізденіске, жаңашылдыққа және жаңа оқу кезеңіне тыңғылықты дайындық жасауға берілген мүмкіндік!